एम.एल.सी.तथा महामंडळाच्या नियुक्त्या करण्याची मागणी नववर्षांच्या शुभ मुहुर्तावर करण्यात याव्या भाजपच्या जेष्ठ कार्यकर्त्यांची मागणी

बार्शीटाकळी, श्याम ठक : दि.३१ : बार्शीटाकळी शहरातील भाजपाच्या अनुसूचितजाती जमाती सेलचे जिल्हा उपाध्यक्ष असलेले लक्ष्मण तुकाराम भिंगारदिवे उर्फ ल.तु.भिंगारदिवे यांनी एका पत्राद्वारे पक्षातील वरिष्ठांकडे मागणी केली आहे.. ते आपल्या पत्रात लिहतात की देशात व राज्यात ज्यांनी जीवाची पर्वा न करता ,घरावर तुळशीपत्र ठेवून,न भुतो न भविष्यती यश मिळवून दिले .

ते लिहतात कि गत दहावर्षात केलेल्या कार्याचा लेखाजोखा घरोघरी जाऊन सांगितला त्यामुळे मतदानाचा टक्का वाढला , मतदारांनी भाजपा व मित्र पक्षांच्या उमेदवारांना प्रचंड मताने निवडून दिले.यापूर्वी एवढे प्रचंड यश मिळाले नव्हते. मग ह्या सर्व यशाला खेचून आणणाऱ्या कार्यकर्त्याच्या पदरी काय ?असा प्रश्न कार्यकर्त्यांना पडला आहे. यापूर्वी महायुतीचे सरकार असतांना,तत्कालीन मुख्यमंत्री महोदयांनी दिवाळी नंतर तर कधी अधिवेशनात असे झुलवत ठेवले आणि वेळ मारुन नेली.

आताही पुन्हा तेच चित्र समोर उभे राहते कि काय असा प्रश्न उपस्थित होतो आहे.निष्ठावंताना सत्तेच्या प्रवाहात सामावुन घेतले पाहिजे. मा. पंतप्रधान नरेंद्र मोदी नेहमीच म्हणतात की ज्यांना कुणी विचारत नाही त्यांना मी विचारतो म्हणून यावरून असे वाटते की विद्यमान मुख्यमंत्री देवेंद्र फडणवीस नवीन वर्षाच्या शुभ मुहूर्तावर मला व माझ्या सारख्या निष्ठावंत पदाधिकारी आणि कार्यकर्त्यांना एम. एल. सी. किंवा महामंडळावर नियूक्ती देतील अशी आशा वाटते.. हा आशावाद कितपत खरा ठरतो हे काळ ठरवेलच आणि आमच्या मनातील इच्छा फलद्रूप झाल्या तर खऱ्या अर्थाने वाटेल की पक्षाने उशीराने का होइना आमच्या कार्याची दखल घेतली असे म्हटले तर वावगे ठरु नये …