🌧️ अकोला जिल्ह्यात ढगफुटीमुळे पावसाने केला कहर! 🌧️

मुर्तिजापूर : जिल्ह्यात झालेल्या मुसळधार पावसाने पुन्हा एकदा ग्रामीण भागातील शेतकरी आणि गावकऱ्यांचे मोठे नुकसान केले आहे. मुर्तीजापूर तालुक्यातील जामठी बु. महसूल मंडळातील उंखेड, कासारखेड या गावांमध्ये पावसाचे मोठे संकट ओढवले. या भागातील शेतकऱ्यांचे पिके वाहून जाऊन शेतमालाचे प्रचंड नुकसान झाले.

उंनखेड येथील शेतकरी प्रशांत हरिश्चंद्र घोरमोडे यांची शेती मोठ्या प्रमाणावर पावसाने उद्ध्वस्त झाली. तसेच लाखपुरी महसूल मंडळातील शेतकऱ्यांचेही मोठे नुकसान झाले असून शेतकरी वर्ग शासनाकडे तत्काळ मदतीची मागणी करत आहे. शेतकऱ्यांच्या बांधावर जाऊन तातडीने पंचनामे करून आर्थिक मदत द्यावी, अशी मागणी होत आहे.

🌾 हिरपूर परिसरातील हवालदिल

शेतकरीहिरपूर परिसरातही पावसाने थैमान घातले. मुसळधार पावसामुळे नाल्यातील पाणी शेतात घुसले आणि उभे पीक वाहून गेले. यामध्ये ओमप्रकाश हेमणे, बाळू भालेराव, संजय फडनाईक, भाऊराव चारथळ, शेषराव चारथळ आदी शेतकऱ्यांचे मोठे नुकसान झाले असून शेतकरी हवालदिल झाले आहेत.

🏚️ घरगुती साहित्याचेही नुकसान

फक्त शेतीपुरतेच नव्हे तर गावातही पावसाने कहर केला. गजानन गुप्ता (हिरपूर ग्रामपंचायत समोर) यांच्या घरात पाणी शिरून धान्य व अन्य वस्तूंचे नुकसान झाले. याशिवाय गावातील काही कुटुंबांचेही धान्य व घरगुती साहित्य पाण्यात भिजून गेले आहे.

➡️शेतकरी आणि गावकरी प्रशासनाकडे तातडीच्या मदतीची मागणी करीत असून, शासनाने सर्वेक्षण करून पीडितांना आर्थिक मदत द्यावी अशी अपेक्षा व्यक्त होत आहे.