मूर्तिजापूर मध्ये बनावट ओळख व खोट्या कागदपत्रांवरून २ लाखांची फसवणूक; दोघांविरोधात गुन्हा दाखल

सदर आरोपींनी खवले यांच्याशी संपर्क साधून 4 कोटी 70 लाख रुपयांत सौदा निश्चित केला. सौद्याचा पहिला टप्पा म्हणून 50 लाखांचा चेक (अकोला जनता कमर्शियल को-ऑपरेटिव्ह बँक) दिला. त्याचवेळी ‘कमिशन’च्या नावाखाली फिर्यादीकडून 2 लाख रुपये रोख रक्कम घेतली.

मात्र, सदर चेक बँकेत सादर केल्यानंतर तो निधीअभावी नाकारण्यात आला. त्यानंतर आरोपींशी संपर्क साधण्याचा प्रयत्न केला असता, त्यांचे मोबाईल फोन बंद आढळले. पुढील चौकशीत प्रकाश मनवर याने खोटे नाव सांगून बनावट आधारकार्ड सादर केल्याचे उघड झाले असून, अश्विन लांडगे याच्यासोबत संगनमत करून बनावट दस्तऐवजांच्या आधारे फसवणूक केल्याचे स्पष्ट झाले.

पोलीस तपास सुरू

या प्रकरणी महिला पोलीस हवालदार शालिनी सोलंके (ब.क्र. 2121) यांच्या तक्रारीवरून गुन्हा दाखल करण्यात आला आहे. पुढील तपास पोलीस उपनिरीक्षक गजानन ताटे करत आहेत.

शहरात खळबळ

या प्रकारामुळे मूर्तिजापूरमध्ये खळबळ उडाली आहे. पोलिसांनी आरोपींच्या अटकेसाठी विशेष पथक नियुक्त केले असून, नागरिकांनी कोणत्याही मालमत्ता व्यवहारात पूर्ण खातरजमा करूनच पुढे जावे, असा इशारा प्रशासनाने दिला आहे.