दहीहांडा पोलिस स्टेशनचा भ्रष्ट पोलीस अधिकारी A.c.b. च्या ताब्यात

दिनांक २८ : अकोला : अकोला एसीबीने आज मंगळवार दिनांक २८/१/२०२५ ला सायंकाळी ५:३० ते ६:०० वाजताच्या दरम्यान केलेल्या कारवाईत  दहीहांडा पोलिस स्टेशनला कार्यरत पोलिस कॉन्स्टेबल प्रफुल्ल दिंडोकार आणि एक खाजगी इसम शंकर जानराव तरोळे हे जाळ्यात अडकले आहेत,तर एक पोलिस हेड कॉन्स्टेबल गणेश अवचार एसीबीच्या जाळ्यात अडकण्याची शक्यता आहे .

दहीहंडा पोलिस स्टेशनला जवळ असलेल्या हॉटेलमध्ये ही कारवाई करण्यात आली. एसीबीची ही कारवाई सुरू असताना ठाणेदार पुरुषोत्तम ठाकरे हे दहीहांडा पोलिस ठाण्यात हजर होते. मात्र कारवाईची माहिती मिळताच त्यांनी पोलीस ठाण्यातून पळ काढल्याची गावात चर्चा आहे.

एसीबीने केलेल्या कारवाईत पोलिस शिपाई प्रफुल्ल दिंडोकार, खाजगी इसम शंकर तरोळे यांचा वर दहीहांडा पोलिस स्टेशनलां गुन्हा दाखल करण्याची प्रक्रिया सुरू असल्याची प्राथमिक माहिती मिळाली आहे.

काय आहे प्रकरण ?

एन सी प्रकरणांत प्रतिबंधात्मक कारवाई न करण्यासाठी तक्रार कर्त्याला ह्या पोलिस कर्मचाऱ्याने ८००० रुपयांची लाच मागितली होती.परंतु तक्रार करत्याला ती द्यावयाची नसल्याने त्याने अकोला एसीबीच्या अधिकाऱ्यांशी संपर्क साधून तक्रार दिली होती.

एसीबीच्या अधिकाऱ्यांनी केलेल्या पडताळणी कारवाईत लाचेची मागणी सिद्ध झाल्याने आज सापळा लावण्यात आला होता त्यात खाजगी इसमाच्या हातून लाचेची रक्कम घेत असताना सदरहू पोलिस कर्मचारी सहज सापडला असून दोघां विरुद्ध दहीहंड्याच्या पोलिस स्टेशन मध्ये गुन्हा दाखल करण्यात येत आहे.

 सदरहू कारवाई अकोला एसीबीचे उप अधीक्षक मिलिंद बहाकर यांच्या मार्गदर्शनात पोलिस निरीक्षक सचिन सावंत,कारवाई पथकातील पो.कॉ. प्रदीप गावंडे,दिगंबर जाधव व संदीप ताले यांनी केली.