मुर्तिजापूरमध्ये राजकीय भूकंप! भारत जेठवाणींचा भाजप प्रवेश

मुर्तिजापूर (दिनांक ०८ नोव्हे.२५):
मुर्तिजापूरच्या राजकीय वर्तुळात गेल्या काही दिवसांपासून सुरू असलेल्या चर्चांना आज पूर्णविराम मिळाला आहे. शहरातील प्रगल्भ समाजसेवक आणि प्रभावी राजकीय व्यक्तिमत्व म्हणून ओळखले जाणारे भारत अनिलकुमार जेठवाणी यांनी अखेर भारतीय जनता पक्षात (भाजप) अधिकृत प्रवेश केला आहे.

भाजपच्या प्रवेशद्वारात पाऊल ठेवताच शहरात नव्या समीकरणांची चर्चा रंगली आहे. अनेक दिवसांपासून शहरात कुजबुज होती की भारत जेठवाणी भाजपमध्ये प्रवेश करून प्रभाग क्रमांक ९ मधून आपले राजकीय पाऊल भाजप सोबत पुढे टाकतील. आता या चर्चेला शिक्कामोर्तब झाला आहे, असे या पक्ष प्रवेश नंतर चिन्हे दिसायला लागली आहे.

🔸 “योग्य वेळी योग्य निर्णय” — आमदार हरीश पिंपळे यांचा पूर्वीचा इशारा ठरला खरा

मुर्तिजापूर विधानसभा क्षेत्राचे लोकप्रिय आमदार मा. हरीशभाऊ पिंपळे यांनी काही दिवसांपूर्वी माध्यमांशी बोलताना सांगितले होते की “योग्य वेळी योग्य निर्णय घेतला जाईल.” त्यांच्या या वक्तव्यानंतर राजकीय वर्तुळात तर्कवितर्कांची लाट उसळली होती. आता भारत जेठवाणींचा प्रवेश हाच त्या वक्तव्याचा परिणाम असल्याची चर्चा रंगली आहे.

🔸 भारत जेठवाणी — समाजसेवेपासून राजकारणा पर्यंत

भारत जेठवाणी हे केवळ एक नाव नसून शहरातील सामाजिक कार्याचा ओळखता चेहरा आहेत. विविध सामाजिक उपक्रमांमध्ये त्यांनी पुढाकार घेतला असून, व्यापारी, युवक , नगरपरिषद मध्ये नगर सेवक, विरोधी पक्ष नेता अश्या अनेक नोंदी राजकीय इतिहासात त्यांचा नावाने आहे आणि नागरिक वर्गात त्यांचा मजबूत जनसंपर्क आहे.
त्यांच्या या सामाजिक कार्यामुळेच भाजपने त्यांच्याकडे “नव्या पिढीचा ताजा आणि विश्वासार्ह चेहरा” म्हणून पाहिले असल्याचे पक्षातील सूत्रांकडून सांगण्यात येत आहे.

🔸 नगराध्यक्ष पदासाठी भाजपचा “सस्पेन्स” कायम

भारत जेठवाणींच्या प्रवेशानंतर शहरात सर्वात मोठा प्रश्न उभा राहिला आहे —
भाजप नगराध्यक्ष पदाचा उमेदवार कोण?

भाजपकडून अद्याप अधिकृत घोषणा झालेली नाही, मात्र स्थानिक राजकीय विश्लेषकांच्या म्हणण्यानुसार,

“भाजप सध्या मजबूत संघटनबांधणी करत असून, तरुण आणि समाजसेवक प्रतिमा असलेल्या व्यक्तींना पुढे आणण्याचा प्रयत्न आहे. त्या पार्श्वभूमीवर भारत जेठवाणींचे नाव नगराध्यक्ष पदासाठी सर्वाधिक चर्चेत आहे.”

🔸 शहरात नवा राजकीय सस्पेन्स

भाजपकडून लवकरच उमेदवार जाहीर होण्याची शक्यता व्यक्त केली जात आहे. त्यात जर भारत जेठवाणींचे नाव पुढे आले, तर शहराच्या राजकारणात मोठे परिवर्तन घडू शकते.
त्यांचा प्रवेश हा केवळ एक राजकीय निर्णय नसून, मुर्तिजापूरमधील आगामी नगरपरिषद निवडणुकीच्या समीकरणांवर दूरगामी परिणाम करणारा ठरू शकतो.

🔸 “नवा चेहरा, नवी दिशा?”

शहरातील नागरिकांमध्ये सुद्धा या घडामोडींबद्दल उत्सुकता पाहायला मिळत आहे. व्यापारी वर्ग, तरुण कार्यकर्ते आणि स्थानिक मतदारसंघातील नागरिकांच्या चर्चांमध्ये एकच प्रश्न —
“आता नगराध्यक्षपदासाठी भाजपचा नवा चेहरा म्हणजे भारत जेठवाणी का?”

राजकीय दृष्टीने पाहता, मुर्तिजापूरमध्ये आता एक नवा अध्याय सुरू झाला आहे.
भाजपकडून अधिकृत उमेदवारीची घोषणा व्हायची आहे, मात्र शहरात आधीच या चर्चेने उकळी घेतली आहे.
आता येणारे काही दिवस मुर्तिजापूरच्या राजकारणात निर्णायक ठरणार आहेत.
भारत जेठवाणींच्या प्रवेशामुळे निर्माण झालेला हा सस्पेन्स — लवकरच उलगडणार आहे!