राज्यस्तरीय शालेय तायक्वांदो स्पर्धा यशस्वीरीत्या संपन्न

अकोट: पुणे विभागाच्या खेळाडूंचे स्पर्धेवर वर्चस्व राज्यस्तरीय शालेय तायक्वांदो स्पर्धा २०२६ – २७ (१४ वर्षे व १९ वर्षे वयोगट मुले व मुली) दिनांक २ ते ४ नोव्हेंबर २०२६ दरम्यान संत गजानन महाराज सजल विहीर संस्थान अकोली आकोलखेड पोपटखेड रोड तालुका आकोट येथे खेळाडूंच्या पदक वितरण कार्यक्रमासह संपन्न झाल्या.

आकोट चे आमदार मा. प्रकाश भारसाकळे यांच्या भरीव सहकार्याने तसेच जिल्हाधिकारी श्रीमती वर्षा मीना अध्यक्ष आयोजन समिती तथा जिल्हा क्रीडा परिषद यांच्या मार्गदर्शनाखाली डॉ. सतिषचंद्र भट जिल्हा क्रीडा अधिकारी अकोला यांच्या नेतृत्वाखाली सदर स्पर्धा यशस्वीरीत्या संपन्न झाल्या.

निसर्गरम्य परिसर, निवास व भोजनाची चांगली व्यवस्था, खेळाचे अद्यावत मैदान व निष्पक्ष आणि तज्ञ तांत्रिक सामनाधिकारी व पंच मंडळ या सर्व गोष्टींमुळे सदर स्पर्धेच्या नियोजन आयोजनाची महाराष्ट्रातील विविध विभागातून आलेल्या खेळाडूंनी व प्रशिक्षक यांनी भरभरुन तारीफ केली.

सदर स्पर्धेत मुले व मुली विभागात वयोगट व वजन गटानुसार एकुण ४२ गटातून स्पर्धा संपन्न झाल्या. प्रत्येक वजन गटात महाराष्ट्रातील आठ विभागांचे प्रतिनिधीत्व करणारे खेळाडू सहभागी झाले होते.

त्यातून प्रत्येक गटात १ सुवर्ण, १ रजत व २ कांस्य पदक विजेते सन्मानित करण्यात आले. यावेळी उपस्थित गजानन महाराज सजल विहीर संस्थान चे विश्वस्त धर्मे, स्पर्धा निरीक्षक प्रविण बोरसे, तांत्रिक समिती प्रमुख सुरेश चौधरी, जिल्हा प्रमुख शिवाजीराव चव्हाण आदी मान्यवरांचे हस्ते खेळाडूंना पदकांचे वाटप करण्यात आले.

पुणे विभागाचे खेळाडूंनी आपल्या कौशल्याने स्पर्धेत सर्वाधिक पदकांवर कब्जा करून स्पर्धेत प्रथम क्रमांक – ओव्हरऑल चाम्पियनशिप मिळवून आपले वर्चस्व सिद्ध केले आहे. आकोट परिसरातील मेळघाट व्याघ्र अभयारण्य तसेच जंगल सफारी ची संधी वन विभाग आकोट द्वारा उपलब्ध करुन देण्यात आली होती. सहभागी खेळाडूंना तसेच पंच व प्रशिक्षकांना स्पर्धेची आठवण म्हणुन वन विभाग आकोट द्वारे प्रायोजित किचेन देण्यात आले.

स्पर्धा यशस्वी करण्यासाठी आकोट तालुका शारीरिक शिक्षक संघटनेचे अध्यक्ष राजेंद्र इंगळे व सचिव निलेश झाडे यांच्या नेतृत्वात आकोट च्या शारीरिक शिक्षकांनी स्पर्धा सहाय्यकाची चोख भुमिका पार पाडली.

जिल्हा क्रीडा अधिकारी कार्यालय अकोला चे क्रीडा अधिकारी व राज्य क्रीडा मार्गदर्शक चारुदत्त नाकट, अभिजित फिरके, मनिषा ठाकरे, निलिमा जाधव, राजेंद्र गावंडे, विजय डोबाळे, सुरजकुमार दुबे, यांचे सह निशांत वानखडे, श्रीकृष्ण वायकर, लक्ष्मीकांत उगवेकर, गजानन चाटसे यांनी स्पर्धा यशस्वी करण्यासाठी परिश्रम घेतले.