Join WhatsApp group

Ads

--

पेट्रोल-डिझेलमधील कथित भेसळीविरोधात अन्नत्याग आंदोलनाचा दुसरा दिवस!बार्शीटाकळी व पातूरमधील अवैध विक्रीचे गंभीर आरोप; जिल्हाधिकारी आणि पोलीस प्रशासनाच्या भूमिकेवर उपस्थित केले प्रश्न

By Sarkarmzanews

November 17, 2026 10:18 am

Ads

अकोला : जिल्ह्यात पेट्रोल-डिझेलची कथित भेसळ आणि अवैध विक्री होत असल्याचा गंभीर आरोप करीत जगदीश मगर यांनी जिल्हाधिकारी कार्यालयासमोर ११ नोव्हेंबर २०२६ पासून बेमुदत अन्नत्याग आंदोलन सुरू केले आहे. आज आंदोलनाचा दुसरा दिवस असल्याचे आंदोलनकर्त्यांनी नमूद केले आहे.

बार्शीटाकळी परिसरातील इंदिरानगर रेल्वे गेटजवळ टँकरच्या माध्यमातून खुलेआम पेट्रोल विक्री केली जात असल्याचा आरोप आंदोलनकर्त्यांनी केला आहे. या पेट्रोलमध्ये इथेनॉल (Ethanol) मिसळून जिल्ह्यात पुरवठा केला जात असल्याचाही दावा करण्यात आला आहे. तसेच पातूर येथेही अवैध पेट्रोल-डिझेल विक्री सुरू असल्याचा आरोप करण्यात आला आहे.

या संपूर्ण प्रकाराला संबंधित पोलीस ठाण्यांच्या अधिकाऱ्यांचे अभय असल्याचा आरोपही आंदोलनकर्त्यांनी केला आहे.या प्रकरणाची तातडीने चौकशी करून बार्शीटाकळी व पातूर येथील कथित अवैध विक्रीवर कारवाई करावी, संबंधित पोलीस ठाणेदारांची चौकशी करून जबाबदारी निश्चित करावी आणि जिल्ह्यातील पेट्रोल-डिझेलच्या अवैध विक्रीचे जाळे उघड करावे, अशा प्रमुख मागण्या आंदोलनकर्त्यांनी केल्या आहेत.

विशेष म्हणजे, आंदोलनाचा दुसरा दिवस सुरू झाल्याचा दावा करण्यात येत असताना जिल्हाधिकारी, जिल्हा पोलीस अधीक्षक व पोलीस प्रशासनाकडून अद्याप ठोस दखल घेतली नसल्याचा आरोप आंदोलनकर्त्यांनी केला आहे. या कथित प्रकाराची निष्पक्ष चौकशी होणार का, असा प्रश्न उपस्थित होत आहे.

दरम्यान, आंदोलनकर्ते जगदीश मगर यांनी आंदोलनादरम्यान आपल्या जीवितास काही अपाय झाल्यास पोलीस प्रशासन, कथित पेट्रोल-डिझेल माफिया आणि जिल्हा प्रशासन जबाबदार राहतील, असा इशाराही दिला आहे.

आता प्रश्न केवळ अवैध पेट्रोल विक्रीचा नाही, तर इंधनाच्या गुणवत्तेचा आणि नागरिकांच्या सुरक्षिततेचाही आहे. या आरोपांची अधिकृत यंत्रणांकडून निष्पक्ष तपासणी होऊन वस्तुस्थिती जनतेसमोर येणे गरजेचे आहे.

Related Article

समाजात काम करणारा नेता बनविण्यात पत्रकारांचे मौलिक योगदान! – शिक्षक आमदार अॕड.किरणराव सरनाईक

पेट्रोल-डिझेलमधील कथित भेसळीविरोधात अन्नत्याग आंदोलनाचा दुसरा दिवस!बार्शीटाकळी व पातूरमधील अवैध विक्रीचे गंभीर आरोप; जिल्हाधिकारी आणि पोलीस प्रशासनाच्या भूमिकेवर उपस्थित केले प्रश्न

अकोला बसस्थानकात ‘नो पार्किंग’चा फज्जा!पोलीस चौकी समोरच पोलिसांची वाहने?

नंबर एक, गाड्या दोन! मंगेशने नेमकी काय भानगड केली ?

हिरपूर रोडवरील उड्डाणपुलाजवळ पोलिसांचा गांजा तस्करीवर प्रहार!ऑटोमधून दोन किलो गांजा जप्त; दोन आरोपींविरुद्ध गुन्हा दाखल

सरकार माझा न्यूजची विशेष नजर : फटाक्यांचा शिल्लक साठा कुठे? प्रशासनाचे लक्ष आहे का?

No comments to show.

Leave a Comment

error: Content is protected !!