जिल्हा क्रीडा पुरस्कार सन २०२२-२३ व सन २०२३-२४ करीता अर्ज सादर करणे

अकोला: दिनांक 28: क्रीडा व युवक सेवा संचालनालय महाराष्ट्र राज्य, पुणे अंतर्गत, जिल्हा क्रीडा परिषद, अकोला यांचे मार्फत सन २०२२-२३ व २०२३-२४ या दोन वर्षाकरीता शासन निर्णय शालेय शिक्षण व क्रीडा विभाग क्र. शिछपु २०२०/प्रक्र.९३/क्रीयुसे-२, दिनांक १४/१२/२०२२ नुसार जिल्हा क्रीडा पुरस्काराकरीता गुणवंत खेळाडू (पुरुष, महिला, दिव्यांग खेळाडू) व गुणवंत क्रीडा मार्गदर्शक यांच्या करीता अर्ज मागविण्यात येत आहेत.

सदर पुरस्कारासाठी अर्ज सादर करण्याची अंतिम मुदत दिनांक ०६/०१/२०२५ पर्यंत राहील. याची जिल्ह्यातील सर्व खेळाडू व क्रीडा मार्गदर्शक यांनी नोंद घ्यावी. अधिक माहितीस्तव वर नमूद शासन निर्णय थे अवलोकन करावे व जिल्हा क्रीडा अधिकारी कार्यालयात कार्यालयीन वेळेत संपर्क साधावा. असे जिल्हा क्रीडा अधिकारी श्री सतीशचंद्र भट हे कळवितात.