मटक्यावर कारवाई, बुकींचे काय?एकावर गुन्हा; शहरातील कथित मटका नेटवर्कवर पोलिसांची नजर आहे का?

मुर्तिजापूर : शुक्रवार बाजारातील सैलानी बाबा दर्ग्याजवळ वरली मटक्याच्या चिठ्ठ्यांसह एका व्यक्तीवर मुर्तिजापूर शहर पोलिसांनी कारवाई केली. २५ ऑक्टोबर रोजी झालेल्या या कारवाईत तीन चिठ्ठ्या, पेन व ५४५ रुपये जप्त करण्यात आले.

याप्रकरणी गुन्हा क्र. ७१९/२०२६ अन्वये महाराष्ट्र जुगार प्रतिबंधक कायद्याच्या कलम १२(अ) अंतर्गत गुन्हा दाखल करण्यात आला आहे.मात्र, एकावर कारवाई करून शहरातील मटका थांबणार का?

शहरात मोबाईल व व्हॉट्सॲपच्या माध्यमातून कथितरीत्या आकड्यांची देवाणघेवाण होत असल्याच्या चर्चांमुळे पोलिसांच्या प्रतिबंधात्मक यंत्रणेवर प्रश्न उपस्थित होत आहेत.डीबी पथकाकडे अशा व्यवहारांची माहिती आहे का? असल्यास कारवाई का नाही?

स्थानिक पातळीवरील सुरू असलेल्या अवैध्य धंद्यानची माहिती ठाणेदार धर्मेंद्र जोशी यांच्यापर्यंत पूर्णपणे पोहोचते का?

एका चिठ्ठीवर कारवाई झाली, आता त्या चिठ्ठीमागची कथित साखळी पोलिस शोधणार का? याकडे मुर्तिजापूरकरांचे लक्ष लागले आहे.

न्यूज फोटो – AI GENRATED