घरकुल की मौतचा सापळा? १४ वर्षाची नमिरा खान जखमी, नागरिक संतप्त

मूर्तिजापूर प्रतिनिधी – शहरातील जुन्या घरकुल परिसरात जिन्याचा स्लॅब कोसळून १४ वर्षीय नमिरा खान ही मुलगी गंभीर जखमी झाल्याची घटना घडली आहे. नमिरा ही घरात कपडे धुत असताना अचानक जिन्याचा भाग कोसळला आणि ती त्याखाली सापडली.घटनेनंतर

घटनेनंतर परिसरातील नागरिकांनी तत्काळ धाव घेऊन तिला बाहेर काढले व उपचारासाठी खाजगी रुग्णालयात दाखल केले. सध्या तिच्यावर उपचार सुरू असून तिची प्रकृती गंभीर असल्याची माहिती मिळत आहे.

सदर घरकुल प्रकल्प २०१०-११ दरम्यान बांधण्यात आला होता. या घटनेनंतर परिसरात भीतीचे वातावरण निर्माण झाले असून इतर घरांच्या सुरक्षिततेबाबतही नागरिकांमध्ये चिंता व्यक्त केली जात आहे.