🌳 वृक्षारोपण हा पर्यावरण रक्षणाचा वटवृक्ष 🌳

मुर्तिजापूर (२जुलै२५) – पर्यावरण रक्षणाच्या दिशेने महत्त्वपूर्ण पाऊल उचलत, मुर्तिजापूर शहरात आमदार श्री. हरिषभाऊ मारोतीआप्पा पिंपळे यांच्या मार्गदर्शनाखाली आणि भाजपा कार्यकर्ते तथा समाजसेवक अमोल प्रजापती यांच्या सौजन्याने वृक्षारोपणाचा स्तुत्य उपक्रम राबविण्यात आला.

हा उपक्रम आर. जी. राठोड कॉलेज, बायपास परिसर, हिंदू स्मशानभूमी ते न्यू पटवारी कॉलनी या संपूर्ण पट्ट्यात राबवण्यात आला. अनेक सामाजिक कार्यकर्ते, स्थानिक नागरिक आणि विद्यार्थी यांनी उत्स्फूर्त सहभाग घेतला.

पर्यावरण रक्षणासाठी प्रत्येकाने पुढाकार घेणे ही काळाची गरज आहे. वाढते प्रदूषण, तापमानवाढ, आणि निसर्गाच्या बदलत्या रूपांपासून आपली पुढील पिढी वाचवण्यासाठी हे महत्त्वाचे पाऊल ठरणार आहे.

“निसर्गाला देऊ या प्रेमाची भेट,लावू प्रत्येकजण एक हिरवं झाड नवे।उद्या सुरक्षित राहावा आपला देश,वृक्षारोपण करा, हाच संदेश!”या उपक्रमामुळे परिसरात हरितआवरण वाढेल आणि पर्यावरणाचे संतुलन राखण्यास मदत होईल.

सर्व नागरिकांनी अशा उपक्रमांमध्ये सक्रिय सहभाग घ्यावा, अशी विनंती आयोजकांकडून करण्यात आली आहे.