🕯️ मुर्तिजापूर येथे १७ वर्षीय विद्यार्थी साकेत भोयर याने रेल्वेखाली केली आत्महत्या –

मूर्तिजापूर (ता. 15 जुलै 2025) – मूर्तिजापूर शहरातील स्टेशन विभागातील साकेत शंकर भोयर (वय 17 वर्ष) या तरुण विद्यार्थ्याने आत्महत्या केल्याची दुर्दैवी घटना उघडकीस आली आहे. साकेत हा पालीटेक्निक कॉलेज, हेडज येथे पहिल्या वर्षाचा विद्यार्थी होता.

त्याचा मागील महिन्यात निकाल लागला होता आणि तो दोन विषयांत नापास झाल्याने मानसिक तणावात होता. नापास झाल्याची माहिती त्याने सुरुवातीला घरी सांगितली नव्हती, मात्र काही दिवसांपूर्वी त्याने आईला सत्य सांगितले. त्यानंतर तो अधिकच डिप्रेशनमध्ये गेला.

दि. 14 जुलै 2025 रोजी सकाळी 11 वाजता साकेत कोणालाही काही न सांगता घरातून बाहेर पडला. कुटुंबीयांनी आणि नातेवाइकांनी शोध घेतला, मात्र तो कुठेच सापडला नाही.

यानंतर चिखली गेट समोर पोल क्र. 618/11 ते 618/13 दरम्यान अप रेल्वे लाईनवर एका तरुणाचा मृतदेह आढळून आला. पोलीस व कुटुंबीयांनी घटनास्थळी जाऊन मृतदेहाची ओळख पटवली. मृतदेह साकेत भोयर याचाच असल्याचे स्पष्ट झाले.

फिर्यादी नितीन रमेश टाले (वय 45) यांनी दिलेल्या जबानी रिपोर्टमध्ये, साकेतने मानसिक तणावातूनच आत्महत्या केल्याचा उल्लेख आहे. हा रिपोर्ट पोस्टे मूर्तिजापूर शहर येथे दि.15/07/2025 रोजी नोंदविण्यात आला आहे.

तपास अधिकारी PSI सूर्यवंशी यांच्या मार्गदर्शनाखाली HC गोपाल सिंग ठाकूर (ब. नं. 1632) यांनी हा गुन्हा मर्ग नं. 20/2025 कलम 194 BNSS अंतर्गत नोंदविला आहे.घटना वेळ: 14 जुलै 2025 रोजी रात्री 10:57 वा.

ही घटना अत्यंत हृदयद्रावक असून विद्यार्थ्यांवर असलेला अभ्यासाचा ताण व पालकांनी त्यांच्या भावनिक आरोग्याची काळजी घेणे किती आवश्यक आहे, याचे हे उदाहरण आहे.