दोन कुख्यात गुन्हेगारांना एक वर्षासाठी तुरुंगवास

अकोला – खदान पोलीस ठाण्याच्या हद्दीत राहणारे दोन कुख्यात गुन्हेगार पोलिस व नागरिकांसाठी डोकेदुखी ठरत होते.

त्यांच्या वाढत्या गुन्हेगारी कारवाया लक्षात घेता, जिल्हा पोलीस अधीक्षक अर्चित चांडक यांच्या आदेशानुसार एमपीडीए (Maharashtra Prevention of Dangerous Activities) अंतर्गत कडक कारवाई करण्यात आली आहे.

पोलीस निरीक्षक मनोज केदारे यांनी तयार केलेल्या प्रस्तावाच्या आधारे, जिल्हा दंडाधिकारी अजित कुंभार यांनी दोन्ही आरोपींना एक वर्षासाठी तुरुंगात ठेवण्याचे आदेश दिले आहेत.

आरोपींची माहिती:अक्रम बेग इम्रान बेग (३३), झिरा बावडी, इस्लाम चौकयाच्यावर जखमी करणे, आग लावणे, कायदा व सुव्यवस्था बिघडवणे, भीती निर्माण करणे, अश्लील भाषा वापरणे, बेकायदेशीर शस्त्रे बाळगणे अशा गंभीर गुन्ह्यांचे आरोप आहेत.

करीम खान उर्फ बबलू अन्वर खानयाच्यावरही अनेक गुन्हे खांदा पोलीस ठाण्यात नोंदवले आहेत.

कार्यवाहीसाठी योगदान दिलेले अधिकारी:

एलसीबीचे शंकर शेळके, पीएसआय माजीद पठाण, उदय शुक्ला, ज्ञानेश्वर बारीसे, ईश्वर प्रसाद शुक्ला, तसेच खांदा पोलीस ठाण्याचे मनोज केदारे, नितीन मगर, नीलेश खंदारे, संजय वानखडे, अमित दुबे, दिनकर धुरंधर, रोहित पवार, अभिजित पवार, व्ही. कस्तुरे, विक्रांत अंभोरे यांचा महत्त्वाचा सहभाग राहिला.

या कारवाईमुळे खदान पोलीस ठाण्याच्या हद्दीत कायदा व सुव्यवस्थेला चालना मिळणार असून गुन्हेगारांमध्ये पोलिसांचा धाक निर्माण झाल्याचे चित्र आहे.