UPI पेमेंट इंटरनेटशिवाय करा, 'हे' दोन मार्ग जाणून घ्या

UPI पेमेंट करायचं पण इंटरनेट नाही का? मग चिंता करू नका. कारण, आता इंटरनेट नसलं तरी देखील तुम्ही UPI पेमेंट करू शकता. यासाठी आज आम्ही तुम्हाला असे दोन मार्ग सांगणार आहोत, ज्यातून इंटरनेट नसलं तरी तुमचं काम थांबणार नाही. तुम्ही इंटरनेटशिवाय देखील UPI पेमेंट करू शकता. जाणून घेऊया.

ऑनलाईन डिजिटल पेमेंट ही आता दैनंदिन गरज बनली आहे आणि लाखो लोक दर मिनिटाला UPI पेमेंट करतात. मात्र, जर तुम्हाला सेल्युलर नेटवर्क कनेक्टिव्हिटी मिळत नसेल किंवा इंटरनेट काम करत नसेल तर ऑनलाईन पेमेंटची चिंता करण्याची गरज नाही. इंटरनेट कनेक्शनशिवायही तुम्ही UPI पेमेंट करू शकता आणि ते कसे करावे, हे आम्ही तुम्हाला पुढे विस्ताराने सांगत आहोत.

इंटरनेटशिवाय UPI पेमेंट करण्यासाठी तुम्हाला NPCI ची सेवा UPI 123 Pay ची मदत घ्यावी लागेल किंवा USSD कोड वापरावा लागेल. तुम्ही खाली या दोन्ही पद्धतींसाठी अनुसरण करण्याच्या स्टेप्सची यादी पाहू शकता.

UPI 123 UPI पेमेंट कसे करावे?

सर्वप्रथम तुम्ही तुमचे UPI लिंक बँक खाते UPI 123 पेसह नोंदणी करणे आवश्यक आहे.
नोंदणी करण्यासाठी तुम्ही 08045163666 कॉल करू शकता किंवा NPCI च्या वेबसाईटला भेट देऊ शकता.
एकदा नोंदणी केल्यानंतर तुम्हाला खालील स्टेप्स फॉलो करून पैसे द्यावे लागतील.
*99# डायल करा
आता पहिला पर्याय निवडा, सेंड मनी
ज्या व्यक्तीला पैसे पाठवायचे आहेत त्याचा मोबाईल नंबर किंवा UPI ID टाका
तुम्हाला जेवढे पैसे पाठवायचे आहेत ते टाका
तुमचा UPI PIN टाका.
UPI 123 Pay चा वापर करून तुम्ही रोज 1000 रुपयांपर्यंत पैसे भरू शकता.

USSD कोडच्या मदतीने पेमेंट करा

काही बँका USSD कोडचा वापर करून इंटरनेटशिवाय UPI पेमेंट करण्याची सुविधा देतात. या बँकांच्या यादीत SBI, HDFC, ICICI, Axis बँक आणि फोन पे यांचा समावेश आहे. प्रत्येक बँकेचा स्वत:चा USSD कोड असतो. तुमच्या बँकेचा USSD कोड शोधण्यासाठी तुम्ही बँकेच्या वेबसाईटवर किंवा ग्राहक सेवेशी संपर्क साधू शकता. एकदा तुम्हाला USSD कोड माहिती झाल्यानंतर तुम्ही खालील स्टेप्सचं पालन करून पेमेंट करू शकता.